Hordhac
Todobaadka Dhaqanka ee Jaamacadda SIMAD waxa uu ahaa dhacdo taariikhi ah oo ay Jaamacaddu u qabatay Ardadeeda si ay u soo bandhigaan dhaqanka Dalkeena uu Hodonka kuyahay. Haatan, waxaa la soo gebogebeeyay guul weyn oo ay ku guuleesteen tartanka dhaqanka, taasoo muujisay sida ay ugu faanaantay dhaqankooda iyo waxqabadkooda.
Ujeeddooyinka Todobaadka Dhaqanka
- Soo bandhigidda aqoonta iyo faham ka ardadu uleeyihiin dhaqanka iyo hidaha Dalkooda.
- Kobcinta iyo Kor u qaadista hidaha, suugaanta, iyo ciyaara dhaqameedka dalkeena.
- Kutaba baridda ardayda Jaamacadda in Dhaqankoodu saameyn Togan ku leeyahay noloshooda, ayna tahay inay bartaan.
Waxyaabaha lagu soo bandhigay
- Ciyaaraha Dhaqanka
Waxaa lasoo bandhigay Ciyaara Dhaqanmeedka Dalkeena a sida Shax, Dhaanto, Wilisiqo, Buraan-bur, Gabley-Shimbir iyo Ciyaara kaloo badan. Sidoo kale waxaa lasoo bandhigay Muuqaalo iyo farshaxan ay ardaydu ku muujinayaan dhaqankooda.
- Suugaanta
Todobaanka dhaqanka Jaamacadda SIMAD waxaa kudhacay Bandhigyo taabanaya suugaanta iyo sheekooyinka Soomaalida. Waxaa kaloo gala qaaday Heeso iyo gabayo ay ardaydu ku xusayeen taariikhda iyo dhaqankooda.
- Barnaamijyada Waxbarashada
Intii uu socday todobaadka dhaqanka Jaamacadda SIMAD wexey ardayda, macalimiinta iyo maamulka Jaamacadda baraha bulshada kusoo bandhigayeen Hadalo iyo qoraallo ku saabsan muhimadda dhaqanka dalkeena.
- Tartanka Dhaqanka
Ardayda Kulyadaha kala duwan ee jaamacadda waxaa loo qabtay tartamo ay kusoo bandhigayaan hidaha iyo dhaqanka dalkeena. Tartamada laqabtay waxaa kami ahaa
- Tartanka Quraanka
- Tartanka Dhaqanka iyo Hidaha
- Tartanka Farshaxanka
- Tartanka Ciyaara Dhaqameedka
- Tartanka Dood Cilmiyeedka
- Tarkanka Isboortiga
Tartan kasta waxaa abaal marin lagudoonyiiye Kulyadda ardaydeedu ku guuleesteen
Guusha Kulyadda Dhaqaalaha
Ardayda Kulliyadda Dhaqaalaha waxay wacdaro ka dhigeen Todobaadka Dhaqanka Jaamacaddaa SIMAD waxayna soo bandhigeen ciyaaro dhaqameedyo iyo riwaayad taabanaysa dhaqanka, noloshada bulshada, iyo dhaqaalaha dalkeena. Ardayda Kulliyadda Dhaqaalaha ayaana markii 4aad oo xiriirka kuguulaysatay tartankii Todobaadka Dhaqanka ee Jaamcadda SIMAD ay uqabatay ardaydeeda. Wexey taasi kadhigan tahay in ardayda kulyada dhaqaaluhu aqoon xeeldheer uleeyihiin hidaha iyo dhaqanka dalkeena.
Gabagabo
Todobaadka Dhaqanka ee Jaamacadda SIMAD waxa uu kamid yahay dhacdooyinka ugu muhiimsan sanadkasta, kaasoo ay si weyn uga qayb qaadataan ardayda (Kuwa hadda iyo kuwii horaba), macalimiinta iyo maakulka Jaamacada. Qabashada Todobaadka Dhaqanka waxay muujisay sida ay Jaamacadda SIMAD ugu dadaasho xusidka iyo kobcinta dhaqanka Soomaaliyeed.
